Presidenca ruse ka urdhëruar zyrtarët shtetërorë që të ndalojnë përdorimin e iPhone-ve të Apple për shkak të shqetësimeve se pajisjet janë të cenueshme nga shërbimet e inteligjencës perëndimore, raportoi të hënën gazeta ruse e biznesit Kommersant.
Në një seminar të organizuar nga Kremlini për zyrtarët që merren me politikën e brendshme, Sergei Kiriyenko, nënkryetari i parë i administratës presidenciale, u tha zyrtarëve që të ndryshonin telefonat e tyre deri më 1 prill.
Gjithçka ka marrë fund për iPhone: ose hidheni ose jepuani fëmijëve. Bëjeni një diçka të tillë brenda marsit.
Kremlini mund të sigurojë pajisje të tjera me sisteme të ndryshme operative për të zëvendësuar iPhone-ët, raportoi Kommersant.
Zëdhënësi i Kremlinit Dmitry Peskov tha se nuk mund ta konfirmonte raportin, por theksoi se telefonat inteligjentë gjithsesi nuk mund të përdoren për qëllime zyrtare.
Presidenti rus Vladimir Putin ka thënë gjithmonë se nuk ka smartphone, megjithëse Peskov u shpreh se Putin përdor internetin herë pas here.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
