Gjykata e Tiranës la në burg Adiola Lakrën, për të cilën prokuroria dyshon se ka luajtur rolin e ndihmëses në vrasjen e Hekuran Billës më 11 qershor 2020.
Akuza për këtë krim është ajo e “vrasjes për gjakmarrje” ndërsa vajza po hetohet në rolin e ndihmëses.
Avokati mohon që klientja e saj të ketë lidhje me këtë krim
Avokati: “Prokuroria nuk ka prova. Të vetmet prova janë deklarimet e saj të sinqerta dhe të sakta. Nuk ka pasur dijeni për gjakmarrjen dhe nuk ka telefonuar ditën e ngjarjes por është telefonuar.”
Po a është paguar për këtë krim?
Avokati: Nuk është paguar absolutisht. As ka ditur as është paguar.
Atentati ndaj Hekuran Billës, 26-vjeçarja del në gjykatë
Adiola Lakra e akuzuar si bashkëpunëtore në vrasjen e Hekuran Billës doli sot në gjykatë për vlerësimin e masës së sigurisë.
Njohja me Billen dhe takimi tek Komuna e Parisit - Lakra ka deklaruar se jetonte më të njëjtin pallat, ndërsa pinte kafe në katin e parë.
Nga aty ka filluar shoqërimi dhe frekuentimi me të, që është konkretizuar në një lidhje marrdhënieje sentimentale. Lakra ka deklaruar se në pallatin ku jetonte kishte një biznes edhe e ëma e Malit, një parukeri.
Sa i përket njohjes me Hekuran Billën, ky i fundit i ka dërguar miqësi në Instagram dhe më pas ka filluar njohjen, pasi është ndarë me Malin.
Mësohet se ata takoheshin gjithmonë në të njëjtin vend, pranë Komunës së Parisit aty dhe ku ndodhi atentati i 11 qershorit.
Mohon akuzat- Para grupit hetimor ajo nuk ka pranuar për asnjë arsye të ketë qenë e paguar nga Viktor Marku dhe i dashuri i saj, Sebastian Mali, për të ndihmuar në ekzekutimin e 40-vjeçarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
