Në një ankim nga Llesh Nikolli nga Lezha është depozituar në Komisionin Qendror të Zgjedhjeve për deputeten e rrethit Kurbin, Elda Hoti.
Sipas dokumenteve, rezulton se ajo ka fshehur ndryshimin e emrin të babait të saj nga David Hoti, në Artan Hoti.
Ankimi është bërë në adresë të kreut të KQZ, Ilirjan Celibashi nga Llesh Nikolli, ndërsa për dijeni i është dorëzuar kryetares së Kuvendit, Lindita Nikolla, drejtuesit të SPAK si edhe ambasadoreve të SHBA dhe BE në Tiranë.
‘Kjo deputete në vetëdeklarimin e saj ka fshehur ndryshimin e emrit të babait të saj nga David Hoti, në Artan Hoti. Ky ndryshim është bërë më datë 30 prill 2002 dhe kandidatja për deputete znj. Elda Hoti nuk e ka deklaruar në formularin e vetëdeklarimit. Duke fshehur këtë të dhënë te gjeniralitetet e saj, znj. deputete nuk mund të përfaqësojë komunitetit të saj në parlamentin shqiptar. Kjo deputete përse e ka fshehur këtë ndryshim, e ka harruar, apo babai i saj ka pasur një të shkuar kriminale ku është dënuar për disa vepra të rënda penale, si ajo e trafikimit të lëndëve narkotike dhe trafikim të qenieve njerëzore” thuhet në akimin e dorëzuar në KQZ, ku pretendohet se deputetja Elda Hoti ka shkelur ligjin për dekriminalizimin dhe konsumuar vepër penale.
Ankesa e dorëzuar në KQZ, mban datën 13.10.2021, ndërsa deri më tani nuk kemi ende një vendim prej këtij institucioni.
Ankesa, pos KQZ i është nisur për njohuri edhe kryeparlamentares Lendita Nikolla, drejtuesit të SPAK, Arben Kraja, ambasadores amerikane Yuri Kim dhe ambasadorit të BE-së, Luiggi Soreca.
Hoti është deputetja e cila mori mandatin e deputetit të Mark Markut, pasi ky i fundit dha dorëheqjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
