Taksa e mëkatit, vendi organizator i Kupës së Botës dyfishon çmimin e alkoolit
Katari vuri në zbatim një taksë prej 100% mbi alkoolin, duke e dyfishuar brenda natës çmimin e tij.
Rritja është cilësuar si "taksa e mëkatit", pasi synon produktet që ndalohen nga ligji islamik.
Taksa është aplikuar nga Autoriteti Doganor i Katarit dhe shtrihet edhe mbi produkte si duhani, pijet energjike dhe mishi i derrit.
Vetëm të huajve u lejohet konsumimi i pijeve alkoolike në Katar. Alkooli mund të gjendet në disa hotele dhe restorante të caktuara si dhe në vetëm një dyqan në periferi të Dohës.
Lajmi se me 1 janar do të aplikohej taksa e re bëri që shumë banorë të Katarit të krijonin rezerva të mirëfillta alkooli.
Të ardhurat nga taksa e shtuar do të investohen në shërbime publike si shkolla dhe spitale.
Katari është vendi mikpritës i Kupës Botërore 2022. Organizatorët thonë sealkooli do të jetë i disponueshëm në hapësira të posaçme gjatë këtij eventi.
