Kremlini i konsideron të papranueshme deklaratat e Përfaqësuesit të Lartë të Bashkimit Europian për Punët e Jashtme dhe Politikën e Sigurisë Josep Borrell për nevojën e kryerjes së një hetimi të pavarur ndërkombëtar për vdekjen e opozitarit rus, Alexei Navalny.
Rusia nuk pranon kërkesat për një hetim ndërkombëtar për vdekjen e Alexei Navalny, veçanërisht nëse ato vijnë nga Josep Borrell.
Këtë e tha zëdhënësi i Kremlinit, Dmitry Peskov, cituar nga mediat ruse.
Navalny gjeti vdekjen në një burg të largët në Arktik të premten, ku 47-vjeçari po vuante një dënim 19-vjeçar pasi i mbijetoi një helmimi të vitit 2020, për të cilin ai fajësoi Kremlinin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
