Kreu i Emergjencave Civile Shemsi Prençi ka dhënë më tepër detaje për përmbytjet në Shkodër, duke thënë se situata sa vjen dhe po përkeqësohet dhe harta e përmbytjeve është zgjeruar.
E ndërsa për shpalljen e emergjencës, Prenci tha se nuk është në kompetencat e këtij institucioni por kompetence e autoriteteve të tjera.
“Situata këto tre ditë ka pësuar përkeqësime. Disa nga argjinaturat janë shembur dhe harta e përmbytjeve është zgjeruar. Janë të paktën 15 fshatra të përmbytura. Përmbytja është shtrirë nga rruga në Shkodër që të çon deri në Velipojë. Shpallja e emergjencës është në kompetenca të autoriteteve të tjera”, tha Prençi gjatë një lidhje direkte në emisionin “Studio e hapur”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
