Kryetari i Partisë Demokratike Lulzim Basha, ka thirrur në një takim drejtuesit e degëve, nga ku ka diskutuar për përgatitjen e protestës që do të mbahet 7 maji në Kavajë.
Takimi është zhvilluar me dyer të mbyllura, ndërsa kryetari Lulzim Basha, ka kërkuar nga strukturat angazhim maksimal për protestën e Kavajë, ndërsa ka theksuar se duhet diversifikim i protestës në Tiranë në mënyrë që protesta në çadrën para kryeministrisë të mos zhbëhet.
Por në takimin e sotëm Basha i ka kërkuar drejtuesve demokratë që të përshkallzojë protestat për zgjedhjet.
Vendimi nuk është marrë akoma, por kreu i opozitës Lulzim Basha e diskutoi përhapjen e protestës në disa pika të ndryshme të vendit, në një takim me kryetarët e degëve të Partisë Demokatike.
Njëri nga opsionet është bllokimi i disa akseve kombëtare, por mbledhja nuk mori vendim se cilët do të jenë këto akse dhe kur do të bllokohen.
Opsioni i përshkallëzimit të protestës së opozitës përkon me vizitën disa orëshe të martën në Tiranë të negociatorit gjerman David McAllister.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
