Kremlini akuzon Britaninë për masat anti-ruse/ Downing Street nuk i rinovon vizën bosit të Chelsea, Abramovich

Britania sot është akuzuar për masat anti-ruse, pasi pronari i skuadrës së Chelsea, Roman Abramovich, mbetet i bllokuar në atdheun e tij, në mes të një goditjeje ndaj vizave të investitorëve.

Downing Street ka konfirmuar se një rishikim në vizat 'Tier 1', që besohet të jenë ato në llojit që mbahen nga miliarderi, është duke u shqyrtuar, pasi tensionet me Moskën arritën një nivel të ri më të ulët.

Abramoviç është detyruar të kthehet në Rusi dhe tani nuk mund të hyjë në Britani pasi viza e tij ende nuk është rinovuar.

Burimet afër me oligarkun thanë se kërkesa e tij për një dokument të ri nuk ishte mohuar, por autoritetet e Mbretërisë së Bashkuar po merrnin më shumë kohë se zakonisht për ta ripërtërirë vizën.

Rusia tani ka akuzuar Britaninë për masat antiruse, pasi deputetët kanë lëshuar një raport të ashpër duke e akuzuar qeverinë se po mbyll një sy për paratë e pista ruse që kalojnë nëpër qytetin e Londrës. 

Komiteti i punëve të jashtme, akuzoi presidentin rus Vladimir Putin dhe aleatët e tij për "fshehjen dhe pastrimin e pasurive të tyre korruptive në Londër".

Zëdhënësi i Putinit, Dimitri Peskov, tha: "Ne jemi dëshmitarë të manisë anti-ruse të panjohur të Britanisë, e cila manifestohet në mënyra të ndryshme.

"Unë nuk kam asnjë dyshim se veprime të tilla nuk do të shkojnë pa u vënë re nga investitorët nga vendet e tjera.

Autoritetet e Britanisë akoma nuk i kanë rinovuar vizën oligarkut Roman Abramovich, pasi ajo ka skaduar muajin e kaluar.

Deklarata e ashpër nga Moska vjen pasi Abramovich, i cili u pa për herë të fundit në Britaninë e Madhe në mars, humbi finalen e Kupës së FA të shtunën, të cilën skuadra e tij fitoi 1-0 ndaj Manchester United.

Abramovich, i cili jeton në Londër dhe ka një pasuri rreth 11 miliardë euro, është njeriu i 13-të më i pasur në Britani, sipas Sunday Times, dhe është rikthyer në Rusi pasi i skadoi viza e investitorit.