Ish-deputeti Koço Kokëdhima ka dalë para mediave për t’i kthyer përgjigje ambasadorit amerikan, i cili dy ditë më parë e renditi atë në mesin e “politikanëve kriminelë dhe të korruptuar”. Ish-deputeti socialist, të cilit gjykata ia hoqi mandatin në fillim të këtij viti, tha se Lu ka nëpërkëmbur etikën diplomatike dhe është nxitur nga ata njerëz, të cilët goditën mandatin e tij në Gjykatën Kushtetuese.
”Me deklaratën e tij, ambasadori Donald Lu nëpërkëmbi etikën diplomatike. E bëri pa prove, pa asnjë fakt. Gjithë jetën kam punuar në biznesin tim dhe mediat që kam drejtuar janë ndeshur me qeveritë e korruptuara. Kam paguar kostot e kësaj lufte. Kam qëndruar gjithmonë në anën e qytetarëve.
Pasuritë i kam bërë me biznes të ndershëm. Erdha në politikë i pasur për të punuar për vendin dhe për një karrierë të shëndetshme. Shumë nga qeveritarët e këtij tranzicioni hynë në politikë të varfër dhe u bënë milioner me korrupsion, vjedhje dhe duke tradhëtuar interesat e vendit. Kam qenë tribuna e luftës kundër korrupsionit në 20 vite
Deklaratat e ambasadorit janë të pavërteta. Janë të ndikuar nga ata njerëz që goditën mandatin tim në Gjykatën Kushtetuese dhe nga arsenali i jashtëzakonshëm i shpifjeve dhe intrigave të politikanëve të Tiranës që nxijnë njëri-tjetrin sa një ambasadë në ambasadën tjetër”, tha Kokëdhima.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
