Në orët e para të mëngjesit të sotëm janë kthyer mbrapsht rreth 80 tifozë problematikë, të cilët kanë mbërritur në portin e Durrësit, pas orës 2 të shoqëruar nga policia.
Kjo ka sjellë edhe vonesë në nisjen e tragetit të linjës Durrës-Bari. Ai është nisur me afro 6 orë vonesë, rreth orës 05.00 të së mërkurës, pasi janë imbarkuar edhe 80 tifozët problematikë.
Burime portuale bëjnë me dije se imbarkimi i tifozëve në traget nuk ka kaluar pa probleme. Një pjesë e tyre janë regjistruar manualisht për t’u hedhur më pas në sistem.
Ndërsa, identifikimi është bërë në bashkëpunim me Interforcën dhe ambasadën italiane.
Ndërkohë, mëngjesin e sotëm dy tragetet e linjës Bari-Durrës kanë sjellë 1100 udhëtarë, ndërsa ai nga Ankona 214. Midis tyre kanë qenë edhe rreth 700 tifozë italianë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
