Komandanti i Brigadës 401 të Blinduar të Forcës së Mbrojtjes së Izraelit, IDF, kolonel Ehsan Daqsa, u vra gjatë luftimeve në Rripin verior të Gazës mëngjesin e së dielës.
Sipas një hetimi fillestar të IDF-së, tanku i Daqsa-s dhe një tank tjetër u goditën nga mjete shpërthyese gjatë operacioneve në Jabaliya.
Daqsa është një nga oficerët më të lartë që është vrarë në luftimet në Gaza.
Një tjetër oficer u plagos rëndë në të njëjtin vend.
Daqsa, 41 vjeç, mori komandën e Brigadës 401 në muajin qershor. Ai u dekorua me një citim nga kreu i Komandës Veriore për përfshirjen e tij në Betejën e Ayta esh-Shab në 2006.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
