Qeveria britanike do të ndalojë reklamat televizive për ushqimet me shumë sheqer, kripë dhe yndyrë para orës 21:00.
Gjithashtu do të ketë disa rregulla dhe për promovimin e ushqimit në internet.
Boris Johnson në një njoftim tha se mbipesha, e cila prek më shumë se një të katërtën e të rriturve në Britani duhet të trajtohet.
Një ndalim i plotë i reklamave të ushqimeve u propozua vitin e kaluar, por kjo u ulë në një orar të pjesshëm pas konsultimeve.
Kompanitë thanë se nxjerrja jashtë ligjit e çdo forme të reklamimit të ushqimeve të shpejta do të ishte joproporcionale.
Ndërkohë sipas të dhënave të qeverisë pesha e popullsisë në Britani është rritur që nga fillimi i viteve 1990 me më shumë se 60%.
Qeveria tha se do të bëjë çmos që të parandalojë të rinjtë që të konsumojnë shumë produkte të pashëndetshme dhe që nga viti 2018 prodhueseve u është dashur të paguajnë taksë shtesë për pijet me sheqer të lartë.
Pikëpamjet e Johnson për ushqimet kanë ndryshuar që kur u shtrua në spital nga Covid-19 të vitit të kaluar.
Johnson tha se mbipesha ishte një faktor i vërtetë që ndikon te sëmundjet, duke shtuar:
“Humbja e peshës, sinqerisht, është një nga mënyrat për të zvogëluar rrezikun ndaj koronavirusit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
