Saranda po vizitohet nga një numër i lartë turistësh që vijnë nga Amerika, Franca, Gjermania dhe Anglia, por edhe na vendet aziatike.
Hatixhe Ismaili, përgjegjëse në Portin e Sarandës tha për MCN Live se në port futen rreth 1500 pasagjerë në ditë.
Kjo shifër është rreth 40% më e lartë krahasuar me një vit më parë.
Kemi një rritje të ndjeshme të numrit të turistëve që janë përpunuar në Portin e Sarandës, kryesisht me tragetet e linjës. Kanë ardhur dhe tragete turistike por janë me kapacitete 50-100 veta. Numri është 40% më i lartë nga vjet. Për periudhën që jemi përpunohen 1500-1600 pasagjerë në ditë, ndërsa vjet ishin rreth 1000.
Kjo është një shenjë e mirë, kështu do të vazhdojë. Numri i trageteve është shtuar, përpunohen 5 tragete çdo ditë. 80% të trageteve janë të mbushura me njerëz. Shumica janë amerikanë, francezë, gjermanë, anglezë, por kanë filluar edhe filipinezë e kinezë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
