Kryeministri Edi Rama pyeti sot ish-kryeministrin Sali Berisha dhe presidentin aktual, Ilir Meta përse ata votuan pro raportit të ish-prokurorit zviceran Dick Marty në Këshillin e Europës.
“Sali pse e votove pro Raportin e Dick Marty në Këshillin e Europës, kur ne e votuam kundër apo doje të mbroje Kosovën nga Hashimi? Po ti Ilir pse e votove pro Raportin e Dick Marty apo s’të pyeti Haxhinasto? Lulëzim ke gjë për të thënë apo s’ta lejon sekreti hetimor?”, shprehet Rama.
Para se të mbushte tre vjet shtet, Kosova u trondit nga një raport ndërkombëtar, i cili përmban pretendime se njerëz të UÇK-së kishin kryer krime çnjerëzore, raport i hartuar nga senatori Dick Marty.
Ai akuzon UÇK në raportin e tij për rrëmbimin e serbëve dhe shqiptarëve, trajtimin e tyre brutal, vrasjen, marrjen e organeve të tyre në Shqipëri dhe shitjen.
Në janar të vitit 2011, në Asamblenë e Përgjithshme të Këshillit të Europës u debatua rreth raportit të ish-prokurorit zviceran Dick Marty.
Delegacioni i Shqipërisë në Asamblenë e Këshillit të Europës votuan pro rezolutës kur Sali Berisha ishte kryeministër dhe Ilir Meta zëvendëskryeministër.
Presidenca i është përgjigjur Edi Ramës për pyetjen e këtij të fundit se pse Meta dhe Berisha kanë votuar pro raportit të Dick Marty në Këshillin e Europës.
Pikërisht, zëdhënësi i Presidencës Tedi Blushi ka ftuar Ramën të dalë në përballje me Metën para gjithë kombit shqiptar që të marrë përgjigjen sy më sy.
Po ashtu Presidenca pyet Ramën se kush e urdhëroi të padiste Ramush Haradinajn për shpifje dhe pse nuk shkoi në gjyq me të.
STATUSI NGA TEDI BLUSHI
Edvin Kristaq Tradhtia, armiku më i egër i kombit shqiptar, pupaci i fëlliqur i qarqeve më antishqiptare në planet, fyesi më i ndyrë i luftës së UÇK-së e gjakut të Dëshmorëve, nxitësi më i flaktë i urrejtjes ndaj Kosovës nëpërmjet veglave të UDB-së në Prishtinë e Tiranë, frikacaku që kalon Morinën me antiplumb dhe makinë të blinduar nga frika e ndëshkimit kombëtar, ka bërë sot një pyetje publike.
E ftojmë Esadistin të dalë në përballje me Presidentin Meta para të gjithë kombit shqiptar dhe për të marrë përgjigjen sy më sy.
Sa për mufkat që lëshon nga Twitter-i, as meritojnë përgjigje.
Kush të urdhëroi ty KryePis të hidhje në gjyq Kryeministrin e Kosovës?
Pse nuk ta mbajti të shkoje në gjyq o këlysh i rrahur që i vogël?
Edvin Kristaq Tradhtia dëgjoji mirë dhe mbaji shënim këto tre porosi:
1. Ju shmange gjyqit që hape në Prishtinë por drejtësisë së kombit shqiptar nuk ke për t'i shpëtuar kurrë!
2. Mos e përmend më Presidentin Ilir Meta për çështjen e Kosovës dhe çështjen kombëtare se nuk do kesh kohë as të pendohesh o Esadist i fëlliqur!
3. Nuk do ketë Kim Philby që të të shpëtojë!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
