Një vogëlush vetëm 8 vjeç e ka marrë “virtualisht” patentën për drejtimin e makinës falë “Youtube”-it. Ai ka marrë fshehurazi makinën e prindërve dhe së bashku me të motrën vetëm 4 vjeçe kanë shkuar të hanë hamburger. Rasti është regjistruar në Ohajo, SHBA.
Sipas autoriteteve, djali ka përfituar nga fakti që prindërit e tij ishin në gjumë dhe ka marrë mortën për të shkuar në “McDonald's”. Ai ka përshkuar me makinë 1 km rrugë, pa thyer asnjë nga rregullat e qarkullimit dhe pa e tejkaluar limitin e shpëjtësisë, praktikisht duke vënë në zbatim gjithçka kishte mësuar në “Youtube”. Më pas ka ndaluar në këndin ku jepen ushqimet që merren me vete, ka porositur, ka paguar me kursimet e tij dhe është larguar.
Kanë qenë punonjësit e fast-food-it, ata që kanë konstatuar fillimisht se në makinë nuk kishte të rritur. Ndërsa prindërit janë lajmëruar me telefon nga një mik i tyre, që rastësisht po darkonte në të njëjtin vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
