Drafti për barazinë gjinore është miratuar në komision mes debatesh mes opozitës dhe mazhorancës. Në studion e lajmeve të MCN, Linda Pano, nga Koalicioni Pro Familjes, tha se ky ligj i hap derën martesave brenda të njëjtit seks.
Është projektligji më antifamilje, më antikombëtar. E kemi kundërshtuar që në fillim dhe na u tha se me amendamentet e zotit Balla krijohej njëfarë balance. Por ato janë tërhequr.
Ky projektligj hap derën për martesat brenda të njëjtës gjini. Hap derën e shkollave të fëmijëve tanë për t’i indoktrinuar me ideologjinë transgjinore. E gjithë kjo vjen përmes termit gjini.
Nga konteksti biologjik, gjinia ka ndryshuar në ndjenjë. Pra, gjinia si koncept ka ndryshuar.
Nëse ky projektligj kalon, shoqëria shqiptare nuk gdhihet më e njëjta. Është një ligj diabolik. Djalli fshihet në detaje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
