Një person është gjetur i pajetë mëngjesin e sotëm pranë Pallatit të Sportit në Gjirokastër.
Nga të dhënat paraprake bëhet e ditur se viktima është rreth 60 vjeç dhe dyshohet se është endacak.
Banorë të zonës thotë se e kanë parë viktimën herë pas here të flinte pranë Pallatit të Sportit.
Dyshimet paraprake janë se viktima ka gjetur vdekjen nga i ftohti, ndërkohë që nuk janë konstatuara shenja dhune në trupin e tij.
Policia tha zyrtarisht se: Më datë 26.12.2024, rreth orës 07:30, në shkallët e pallatit të sportit, në lagjen “18 Shtatori”, është gjetur pa shenja jete dhe pa shenja dhune, shtetasi A. L., 62 vjeç.
Nga veprimet e para hetimore dyshohet se ky shtetas e ka humbur jetën nga shkaqe natyrale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
