Në studimin e fundit të publikuar nga ‘TheGuardian’ bëhet me dije se një nga pesë persona që kanë pasur Covid-19 diagnostikohen me një çrregullim psikiatrik të tilla si ankthi, depresioni ose pagjumësia brenda tre muajve pasi kanë rezultuar pozitiv me Covid.
Studimi u krye nga shkencëtarët në Universitetin e Oksfordit dhe NIHR, Qendra e Kërkimit Biomjekësor Shëndetësor në Oksford. Gjithashtu shkencëtarët zbuluan se njerëzit me një diagnozë paraprake me probleme të shëndetit mendor, kishin 65% më shumë gjasa të diagnostikohen me Covid-19 sesa ata pa probleme të shëndetit mendor.
“Ky zbulim ishte i papritur dhe ka nevojë për hetim. Ndërkohë, të kesh një çrregullim psikiatrik duhet të shtohet në listën e faktorëve të rrezikut për Covid-19, "tha Dr Max Taquet, një bashkëpunëtor klinik akademik i NIHR dhe një nga autorët e studimit.
Llogaritjet u bënë në bazë të afërsisht 70 milion regjistrave shëndetësorë amerikanë, duke përfshirë më shumë se 62,000 raste të Covid-19 të cilët nuk qëndronin në spital ose vizitoheshin në departamentin e urgjencës. Incidenca e çdo diagnoze të sëmundjes mendore në 14 deri 90 ditë pas një diagnoze Covid-19 ishte 18.1%, përfshirë 5.8% që ishin diagnoza e parë.
Për të ekzaminuar nëse rreziku i tepërt ishte i lidhur drejtpërdrejt me Covid-19, studiuesit krahasuan të dhënat me gjashtë gjendje të tjera gjatë së njëjtës periudhë: gripi; infeksione të tjera të traktit respirator; një infeksion i lëkurës; gurët në tëmth; gurë në traktin urinar; dhe fraktura të një kocke të madhe.
Në tre muaj pas diagnozës Covid-19, 5.8% e pacientëve kishin diagnozën e tyre të parë të regjistruar të sëmundjes psikiatrike, krahasuar me 2.5% në 3.4% të pacientëve në grupet e krahasimit - pothuajse një dyfishim i rrezikut, sipas studimit të botuar në revistën “Lancet Psikiatry”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
