Kina vijon të tregohet e kujdesshme lidhur me konfliktin Rusi-Ukrainë, duke shmangur termin pushtim. Zëdhënësi i ministrisë së Jashtme kineze doli sot në një konferencë për media ku iu përgjigj pyetjeve lidhur me agresionin rus dhe situatën në Ukrainë.
Duhet respektuar sovraniteti dhe integriteti territorial i të gjitha vendeve”, tha zëdhënësi i Ministrisë së Jashtme Wang Wenbin, duke iu përmbajtur fort deklaratave të një dite më parë.
Wang përsëriti gjithashtu se “Kina i kupton shqetësimet legjitime të Rusisë për çështjet e sigurisë” dhe u bëri thirrje palëve për vetpërmbajtje dhe shmangie të përshkallëzimit të situatës.
Po ashtu ministria e Jashtme kineze bën me dije se Pekini do të vijojë normalisht tregtinë me Rusinë, në frymën e respektit të ndërsjelltë dhe përfitimit reciprok”. Kina po ashtu dënoi sanksionet perëndimore ndaj Moskës, duke u shprehur se masat fundamentale nuk janë asnjëherë mënyra efektive për zgjidhjen e problemeve.
Pyetjes, nëse Kina do të verë veton ndaj rezolutës së ardhshme të Këshillit të Sigurimit të OKB-së ku dënohen veprimet e Moskës, Wang iu shmang pyetjes, duke u shprehur se “çështjet përkatëse do të trajtohen në përputhje me qëllimet dhe parimet e kartës së OKB-së“.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
