Dy kalimtarë dëmtohen nga rrëzimi i skelave të një pallati në ndërtim/ Shoqërohen në polici inxhinieri dhe dy punëtorë

Skelat e një pallati në ndërtim janë rrëzuar duke dëmtuar për pasojë dy kalimtarë teksa po ecnin në bulevardin “Gjergj Fishta”.

Të dëmtuarit janë transportuar në spital ku ndodhen në kujdesin e mjekëve. Ndërkaq policia ka shoqëruar inxhinierin e pallatit dhe dy punëtorë.

Në njoftim thuhet:

Më datë 22.01.2024, rreth orës 10:10, në bulevardin “Gjergj Fishta”, janë rrëzuar skelat e një pallati në ndërtim e sipër, dhe si pasojë janë dëmtuar 2 shtetas (kalimtarë) H. L., rreth 70 vjeç, dhe I. Sh., rreth 45 vjeçe.  Dy të dëmtuarit ndodhen në spital, në kujdesin e mjekëve.  Në ambientet e Policisë janë shoqëruar inxhinieri i pallatit, shtetasi K. S., dhe punëtorët N. S., dhe A. P., për veprime të mëtejshme procedurale. Grupi hetimor ndodhet në vendngjarje dhe po punon për sqarimin e rrethanave të ngjarjes”.