Çmimet e grurit dhe misrit në tregjet globale të mallrave u rritën të hënën pasi Rusia u tërhoq nga një marrëveshje vendimtare që lejonte eksportin e grurit nga Ukraina. Rënia e paktit kërcënon të rrisë çmimet e ushqimeve për konsumatorët në mbarë botën dhe të çojë miliona persona në uri. Shtëpia e Bardhë paralajmëroi se vendimi i Rusisë “do të përkeqësojë pasigurinë ushqimore dhe do të dëmtojë miliona njerëz të cenueshëm në mbarë botën”. “Iniciativa e grurit të Detit të Zi ka qenë kritike për uljen e çmimeve të ushqimeve në mbarë botën, të cilat u rritën si rezultat i pushtimit brutal dhe të paprovokuar të Ukrainës nga Rusia”, tha në një deklaratë Adam Hodge, një zëdhënës i Këshillit të Sigurisë Kombëtare të SHBA-së. Marrëveshja e Detit të Zi e ndërmjetësuar fillimisht nga Turqia dhe Kombet e Bashkuara një vit më parë siguroi kalimin e sigurt të anijeve që transportonin grurë nga portet ukrainase. Deri më tani, marrëveshja ka lejuar eksportin e pothuajse 33 milionë tonë metrikë ushqimore përmes porteve të Ukrainës, sipas të dhënave të OKB-së. Rënia e marrëveshjes ka të ngjarë të ketë pasoja përtej rajonit. Para luftës, Ukraina ishte eksportuesi i pestë më i madh i grurit globalisht, duke llogaritur 10% të eksporteve, sipas Organizatës për Bashkëpunim Ekonomik dhe Zhvillim. Komiteti Ndërkombëtar i Shpëtimit (IRC) tha në nëntor se kolapsi i marrëveshjes do të "godiste më së shumti ata që janë në prag të urisë". Paralajmërimi erdhi pasi Moska pezulloi pjesëmarrjen e saj në pakt për disa ditë pas sulmeve me dronë në Sevastopol, një qytet port në Krimenë e kontrolluar nga Rusia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
