Ministri i Mbrojtjes, Niko Peleshi bëri të ditur operacionin nga ajri që ka nisur prej mëse dy orësh, për fikjen e zjarreve në Karaburun.
“Nga Pashalimani ku kemi rifilluar prej dy orësh operacionin nga ajri për fikjen e zjarreve në Karaburun”, tha Peleshi, ndërsa ndau pamjen të helikopterit të angazhuar në këtë operacion.
Ministri Peleshi informoi po ashtu se në Dukat është rindezur zjarri dhe në Gjirin e Gramës në mesnatë u hap një vatër e re zjarri.
“Sot jemi edhe më shumë me ndihmën e helikopterëve nga Holanda, Chinook me kapacitet ujëmbajtës 10 mijë litra. Përballë nesh është dora kriminale e zjarrvënësve, jo natyra.
Të bëhemi bashkë për të mbrojtur natyrën dhe vendin”, tha Peleshi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
