Ministri i Mbrojtjes Niko Peleshi deklaroi se përkeqësimi i motit mund të na përballë me rrezikun e emergjencave në vend. Peleshi tha se prurjet në kaskadën e Drinit do të pësojnë rritje deri në 21 janar.
Nisur nga përkeqësimi i motit në 24 orët e fundit dhe në ditët e vijim, presim reshje të shumta, sidomos në pjesën veriore, kjo na përball edhe me rrezikun e emergjencave pothuajse në gjithë vendin. E vlerësoj me vend që t’i bëj me dije publikut lidhur me parashikimet e IGJEUM.
Parashikimet e deritanishme të reshjeve për ditët në vazhdim, janë si më poshtë:
Për ditën e sotme priten reshje shumë intensive në qarqet Shkodër dhe Kukës, reshje intensive në qarqet Dibër dhe Lezhë, mesatare në qarqet e tjera të vendit. Prurjet në kaskadën e Drinit do pësojnë rritje prej mëngjesit të ditës sotme dhe do të vijojnë deri në 21 janar do kenë rend rritës”.
Peleshi u bëri thirrje drejtuesve të bashkisë Shkodër dhe asaj Lezhë që të paralajmërojnë qytetarët që të qëndrojnë në gatishmëri dhe të merren masat paraprake për reshjet intensive që pritet të bien.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
