Ngjarja tragjike e fundjavës kur në plazhin e Vilë-Bashtovë, në zonën bregdetare të Durrësi, babai dhe dy djemtë u mbytën nga rrymat e ujit, ka bërë që të ngritët sërish nevoja imediatë e sigurisë në vijat bregdetare, ndërkohë që aty tashmë janë ngritur flamujt e kuq! Gazetari Mentor Kikia, në studion e MCN live, vlerëson se i gjithë faji është te mosmenaxhimi i mirë i vijës bregdetare. Kikia, thotë se Agjencia Kombëtare e Bregdetit është përgjegjëse për standardet, teksa në rastin tragjik, kontrollet do duhej të ishin bërë para ngjarjes fatale në Vilë-Bashtovë. "Ligji është shumë i qartë dhe i saktë, rregullon mënyrën e menaxhimit të plazheve. Subjekti që merr lejen për të shfrytëzuar hapësirën bregdetare ka për detyrë të vendos perimetrin e sigurisë, kordonin se deri ku mund të shkosh të lahesh, korridorin se ku do të shkojnë motorët e ujit, ka për detyrë të vendos flamurin e kuq të rrezikshmërisë, të vendos kullën e vrojtimit, etj. Por çfarë po ndodh? Problemi është mosfunksionimi dhe moszbatimi i masave ligjore. Njerëzit në çdo vend mbyten, nuk mund të pretendojmë sezon turistik të imunizuar nga këto, por të sigurohemi për zbatimin e masave që përcakton ligji për të patur në monitorim sipas asaj që ka vendosur qeveria. Agjencia Kombëtare e Bregdetit, përgjegjëse për standardet. Nuk mundet që pasi të jenë mbytur 3 njerëz , atëherë të shkojmë të kontrollojmë dhe të vejmë flamurin e kuq. Pse nuk u kontrollua më herët, pse nuk u shtrua më herët ky kontroll? Nëse do ishte bërë detyra më herët, mund të mos i kishim ato viktima. Agjensia Kombëtare e Bregdetit, ka për detyrë të kontrollojë plazhet pse i kanë ato standarde apo jo, pse duhet Policia t’i kontrollojë ato, nuk i ka për detyre, përgjegjësia bie edhe mbi pushtetin vendor".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
