Ish-ambasadori i OSBE-së në Kosovë, William Walker, ka mbajtur një fjalim në ceremoninë përkujtimore në 19-vjetorin e masakrës së Reçakut.
Ai është shprehur se ka qenë në çdo përvjetor kur i është dhënë mundësia për të bërë homazhe në Reçak, por që ka vetëm tre vjet që atje sheh liderët kosovarë.
Ëalke i ka dhuruar presidentit Thaçi një lule, të cilën tha se e mori sot si dhuratë në Reçak, nga një vajzë e vogël.
“Një vajzë e vogël, mbesa apo stërmbesa, ndoshta e një prej viktimave të Reçakut, më dha këtë lule, të cilën dua t’ia jap presidentit, Hashim Thaçi. Mbaje diku në një libër në zyrën tënde për t’i kujtuar viktimat e Reçakut dhe se çfarë nënkupton kjo masakër për shtetin”, është shprehur Walker.
Masakra serbe e 15 janarit 1999 në fshatin Reçak të komunës Shtime zgjoi reagimin e opinionit ndërkombëtar. Pamjet e trupave të pajetë të 45 shqiptarëve të Kosovës, të masakruar nga forcat serbe, u përhapën me shpejtësi përmes mediave në të gjithë botën. Pasqyrimi i këtij krimi mizor mbi popullsinë e pafajshme bëri që vetëm pak ditë më pas, NATO-ja të ndërhynte ushtarakisht në luftën e Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
