Gazetari Nevri Ademi nga Maqedonia e Veriut, për ligjin për gjuhën shqipe i cili do të shqyrtohet më 11 dhjetor në Gjykatën Kushtetuese, thotë se kërkohet të abrogohet i gjithë ligji.
Në një lidhje për MCN Live, ai deklaroi se opozita e mbështetur nga mijëra qytetarë ka ngritur tendat para Gjykatës Kushtetuese dhe do të rrinë atje për të bërë rojën e gjuhës shqipe.
Sipas tij, në fillim u tha se abrogohen 3-4 nene, por shtoi se po abrogohet komplet ligji i gjuhëve duke filluar neni 2, 3, 4 dhe nga neni 2 deri në 25, duke abroguar ligjin për gjuhën shqipe në RMV.
Kjo kërkon mbrojtje të madhe duhet reagim nga SHBA dhe BE, pasi ky proces mund ta çojë Republikën e Maqedonisë së Veriut në një destabilizim që nuk i dihet.
Nuk i duhet ky destabilizim, por i duhen shqiptarët si një forcë e madhe. Nga partnerët ndërkombëtarë ka një heshtje totale.
Nuk duhet të na mohohet e drejta elementare, ajo e gjuhës. Kemi një koalicion në qeveri, i cili për asgjë nuk mund t’i bjerë tavolinës, pasi është shumë i dobët.
Nuk do të lejojmë në asnjë lloj forme që ligji i gjuhës shqipe të abrogohet. Nuk mundet askush që ta marrë gjuhën shqipe nga ne.
Se është bërë luftë e madhe që për gjashtë muaj një parti maqedonase nacionaliste me disa shqiptarë brenda, të na heqë gjuhën shqipe.
Në letrën dërguar mediave nga Gjykata Kushtetuese nuk po minimizohen vetëm 2-3 nene, por po minimizohet gjithë ligji i gjuhëve nga neni 2 deri në 25.
Ndërhyrja e Kryeministrit të Kosovës, Albin Kurti, është e pakuptimtë, duke thënë se nuk është shqipja gjuhë zyrtare.
Gjuha shqipe është gjuhë e dytë zyrtare në Republikën e Maqedonisë së Veriut.
Kanë qenë me mijëra shqiptarë mbrëmë që kanë marshuar drejt Shkupit, për të mbrojtur gjuhën shqipe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
