Harry dhe Meghan do të jenë të ftuar në kurorëzimin e Mbretit Charles të Anglisë, ceremoni e cila do të mbahet më 6 maj.
Një fakt të tillë e bëjnë të ditur burime të Buckingham Palace të cituara nga mediat britanike, sipas të cilave ekziston një “hipotezë” sipas së cilës Duka dhe Dukesha e Sussex do të marrin ftesë për të marrë pjesë në ceremoninë shtetërore për kurorëzimin e Mbretit Charles.
Lajmi, ushqen frikën e atyre që besojnë se pjesëmarrja e Harry-t dhe Meghan-it mund të zbehë ceremoninë duke pasur parasysh polemikat që shpërthyen pas zbulimeve të bëra nga të dy në serialin që i sheh si protagonistë, ku shfaqen kujtimet e Harry-t.
Por organizatorët e kurorëzimit vazhdojnë të planifikojnë ngjarjen me supozimin se Harry dhe Meghan do të marrin pjesë.
Ndërkohë duket se Charles i ka kërkuar Kryepeshkopit të Canterbury-t të ndërmjetësojë një marrëveshje për të siguruar që Duka dhe Dukesha e Sussex të marrin pjesë në këtë ngjarje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
