I ngarkuari i posaçëm i SHBA në Ballkanin Perëndimor Matthew Palmer ka shprehur mbështetjen e plotë të SHBA për çeljen e negociatave për Shqipërinë e Maqedoninë e Veriut me BE-në.
Në Forumin Strategjik të Bled-it që po zhvillohet në Slloveni, Palmer deklaroi se një synimet kryesore të SHBA përveç anëtarësimit të Shqipërisë e Maqedonisë së Veriut është dhe ajo e dialogut mes Serbisë e Kosovës.
“Vitet e fundit është folur shumë pse USA nuk është prezent në Ballkan dhe nuk e ka me shumë në fokus. Pikërisht për këtë arsye për të qenë prezent më shumë në rajon, dhe duke takuar me shume drejtuesit e rajonit, synimet kryesore të punës janë: Të mundësojë hapjen e negociatave për Shqipërinë dhe Maqedoninë e Veriut; Të mundësoje dialogun Serbi- Kosovë dhe gjetjen e zgjidhjeve për problematikat kryesore; Bosnja dhe Herzegovina të bëhet një shtet funksional”.
Tematika e Forumin Strategjik të Bled-it është ’Ballkani Perëndimor – Evropianizimi, Demokratizimi’. Në këtë forum u tha se historia e BE-së dhe Ballkanit Perëndimor nuk duhet të jetë një nga mundësitë e humbura, ndryshimi dhe paqëndrueshmërie të rrethanave, apo ciklet e vazhdueshme zgjedhore dhe premtimet e prishura. "Marrëdhëniet midis rajonit dhe BE-së nuk duhet të mbahen mbrapa ose të rrjedhin në qarqe ndërsa bota po ecën përpara."
Në këtë forum po merr pjesë edhe Sekretarja e Përgjithshme e Këshillit të Bashkëpunimit Rajonal, Majlinda Bregu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
