U denoncua dy herë te Xhadat/ ILD kërkon shkarkimin e gjyqtares Arta Llazari

<p>Komisioni i Pavarur i Kualifikimit vendosi kalimin e procesit të vetingut për Gjyqtaren e Gjykatës së Shkallës së Parë Shkodër Arta Llazari. Ajo u vlerësua pozitivisht për pastërtinë e figurës si dhe kriterin profesional. Por pak kohë pasi kaloi vetingun, Inspektori i Lartë i Drejtësisë nisi hetimin disiplinor ndaj gjyqtares së Shkodrës bazuar në 11 ankesa për mospërmbushje të rregullt të detyrës, e shkelje të afateve procedurale civile e penale.&nbsp;</p> <p>Nga hetimi rezultoi se:</p> <blockquote> <p>&nbsp;Rreth 64% e çështjeve civile të themelit për vitin 2021 dhe 90% për vitet 2022 dhe 2023 janë në tejkalim të afatit ligjor të arsyetimit/dorëzimit (vendime të llojit kryesisht vërtetim fakti juridik për njohje vërtetësie e zgjidhje martese, njohje pronësie apo pjestim pasurie.)</p> </blockquote> <p>Vendimet e padorëzuara në vitin 2023 janë 43% e vendimeve tej afatit ligjor.</p> <p>Veprimet e magjistrates janë kryer të paktën me pakujdesi në formë neglizhencës, e përsëritur dhe e vazhdueshme, e në disa raste kanë shkaktuar dëm në procedurat hetimore.</p> <p>Vonesat në mosvënien në lëvizje të gjykimit dhe të arsyetimit të vendimeve gjyqësore nuk justifikohen nga shkaqe të arsyeshme personale, shëndetësore, familjare, të cilat janë të lidhura direkt me magjistratin.</p> <p>Nga hetimi bazuar në materialet voluminoze të administruara e shqyrtuara, arrihet në konkluzionin se veprimet/mosveprimet e ndërmarra nga gjyqtarja përbëjnë “Shkelje shumë të rëndë disiplinore“.&nbsp;</p> <p>Për këtë arsye, ILD I ka propozuar Këshillit të Lartë Gjyqësor caktimin e masës disiplinore “Shkarkim nga detyra” për gjyqtaren Arta Llazari. Gjatë vitit 2024 emisioni "Xhadat" ka denoncuar dy raste, të vonesës në zbardhjen e vendimeve nga ana e kësaj gjyqtareje. E para ishte një vajzë e cila prej nëntë muajsh nuk merrte vendimin e divorcit ku caktoheshin dhe detyrimet mbi fëmijën.</p> <p>Pas transmetimit të këtij rasti, gjyqtarja Llazari e zbardhi brenda pak ditësh vendimin. Ndërsa rasti i dytë që u denoncua ishte ai i pesë punonjësve të Ujësjellësit të Vaut të Dejës, të cilët prisnin prej tri vjetësh zbardhjen e vendimit nga ana e gjyqtares Arta Llazari. Tashmë nuk dihet fati i gjyqtares së Shkodrës dhe as vendimeve të pazbardhura që kanë mbetur stok prej vitesh në zyrën e saj.</p> <iframe width="560" height="315" src="https://www.youtube.com/embed/yD6EdKNZSiI?si=BOgSosmhBbXt6q6m" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>