Mbretëresha Sofia, gruaja e mbretit të tërhequr nga froni i Spanjës, Juan Carlos, u shtrua në spital në Clinica Ruber Internacional në Madrid për një infeksion të traktit urinar.
Djali i saj, Mbreti Felipe VI, tha për median të mërkurën se nëna e tij aktualisht po mbahet nën monitorim.
“Ajo është shumë mirë, është e gëzuar dhe mezi pret të qetësohet dhe të kthehet sa më shpejt të jetë e mundur”, tha Mbreti Felipe VI, duke folur për mediat nga dritarja e makinës jashtë spitalit.
Me mbretin Felipe ishte edhe motra e tij e madhe, Elena e Bourbon-Spanjës. Mediat spanjolle raportojnë se mbreti Felipe VI qëndroi në spital për rreth gjysmë ore.
Sofia e Spanjës, 83 vjeç, nuk është shtruar kurrë në spital në 56 vitet e fundit dhe se hera e fundit ishte për lindjen e mbretit Felipe, në vitin 1968.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
