Fier, polici plagos djalin e kolegut

Një ngjarje e rëndë ka ndodhur në qendër të Fierit.

Një konflikt mes dy personave ka përfunduar me plagosjen e njërit prej tyre.

Autori i plagosjes është një punonjës policie.

Sipas të dhënave të para, efektivi i policisë Sh.J., është konfliktuar me një shtetas nga Levani me inicialet D. B. Ky i funit e ka qëlluar me grusht, ndërsa efektivi i policisë është vetëmbrojtur dhe ka nxjerrë armën e shërbimit duke plagosur të riun.

Raportohet se i plagosuri është djali i një tjetër punonjësi policie.

Ai është dërguar në spital, ndërsa autori i plagosjes është shoqëruar në komisariat nga kolegët.

Fier/Informacion paraprak

Rreth orës 19:20, në vendin e quajtur "Ish globi", në qendër të qytetit të planizuar me shërbim, shërbimet e Policisë kishin bllokuar një segment rrugor për zhvillimin e një koncerti. 

Shtetasi D. B, 26 vjeç duke drejtuar një automjet tip "Volkswagen" është afruar te punonjësit e Policisë dhe ka tentuar të futet në rrugën e bllokuar. 

Punonjësit e Policisë nuk e kanë lejuar të futet brenda perimetrit të sigurisë dhe në atë momentet shtetasi D. B.,  ka dalë nga automjeti dhe ka qëlluar me grushte në fytyrë duke i shkaktuar dëmtime të rënda në fytyrë dhe në gojë.

Inspektor Sh. J., në kushtet e vetëmbrojtjes ka qëlluar me armën e shërbimit duke e plagosur në këmbë shtetasin D. B.

Menjëherë pas marrjes së njoftimit kanë ndërhyrë shërbimet e Policisë të cilët kanë dërguar menjëherë për në spital për ndihmë mjekësore shtetasin D. B., i cili ndodhet jashtë rrezikut për jetën. 

Ndërkohë është shoqëruar në spital për ndihmë mjeksore dhe punonjësi i Policisë, shtetasi Sh. J. dhe pas marrjes së ndihmës mjekësore është shoqëruar në Komisariatin e Policisë për veprime të mëtejshme. 

Të gjitha veprimet po kryhen nga Agjensia e Mbikëqyrjes Policore në drejtimin e Prokurorisë për shmangur konfliktin e interesit.

Në përfundim të veprimeve hetimore, AMP do të japi informacion të zgjeruar në lidhje me këtë ngjarje.