Protestuesit për demokraci në Hong-Kong kanë filluar të mblidhen në një park në qendër të qytetit për një ditë të re të protestash, të cilat zakonisht fillojnë në mënyrë paqësore, por shpesh përfundojnë në përleshje me policinë.
Njëri nga organizatorët tha që mbledhja e parkut “Victoria” do t'u sigurojë njerëzve një vend për të shprehur dhe avancuar kërkesat e tyre në mënyrë paqësore, por që nuk është e mundur të ndalohen ata që duan të dalin në rrugë për të sfiduar autoritetet.
Hong-Kongu po përjeton javën e nëntë të protestave pa një zgjidhje konkrete. Lëvizja kërkon dorëheqjen e drejtuesit të qytetit, Carrie Lam, zgjedhje demokratike, lirimin e protestuesve të arrestuar gjatë protestave të mëparshme dhe një hetim mbi përdorimin e forcës nga policia kundër protestuesve. /Ansa/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
