Është shtyrë për në 10 tetor në ora 09.00, seanca paraprake për Erion Veliaj dhe bashkëshorten e tij, Ajola Xoxa.
Vendimi u mor nga Gjykata e Posaçme kundër Kurrpsionit dhe Krimit të Organizuar ditën e sotme, ku në seancën e javës së ardhshme do të vendoset nëse dosja në ngarkim të kryebashkiakut të shkarkuar të Tiranës, do të kalojë për gjykim ose jo.
Sakaq paraditen e sotme, ish-kryetarja e Komisionit të Ligjeve, Klotilda Bushka u paraqit në gjyq si e pandehur.
Po sot Veliaj ankimoi në Gjykatën Kushtetuese vendimin për shkarkimin e tij si kryebashkiak i Tiranës.
Në ngarkim të Veliajt në dosjen e SPAK, rëndojnë 13 akuza mes tyre për shpërdorim detyre, korrupsion, pastrim parash, fshehje pasurie dhe futje të sendeve të ndaluara në qeli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
