Turqia thirri ambasadorin grek në Ankara në Ministrinë e Jashtme për t’i dorëzuar një notë proteste, pas pretendimeve se Athina po u ofron mundësinë e kryerjes së aktiviteteve grupeve terroriste.
Ambasadori Christodoulos Lazaris u thirr sepse Greqia lejoi "demostrata të grupit terrorist të Partisë së Punëtorëve të Kurdistanit (PKK) pranë ambasadës turke në Athinë," raporton Anadolu.
Presidenti Tajip Erdogan tha këtë javë se Turqia po i ndalonte bisedimet me Greqinë, për shkak të një mosmarrëveshjeje me kryeministrin e saj dhe atë që Ankaraja e quan shkelje të hapësirës ajrore.
Vitin e kaluar, pas një ndërprerjeje pesëvjeçare, dy anëtarët e NATO-s rifilluan bisedimet për të adresuar mosmarrëveshjet e tyre në Detin Mesdhe dhe çështje të tjera dypalëshe.
Turqia po kundërshton aktualisht ofertat e Finlandës dhe Suedisë për t'u bashkuar me aleancën e NATO-s, duke i akuzuar ata se strehojnë njerëz të lidhur me grupet që ajo i konsideron organizata terroriste, duke përfshirë PKK-në.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
