Një tjetër shqiptar ka bërë simbolin e shqiponjës në Greqi dhe foton e ka postuar në rrjetet sociale. Në llogarinë e Tstreson Paskalit në “Facebook” dhe “Instagram” është postuar fotoja e një të riu që ka bërë me duar simbolin e shqiponjës pranë një ushtari me veshjen tradicionale greke.
“Nuk i pëlqejnë shumë shqiponjat këtij tipit… por puna e tij….”, shkruan ai. Fotoja është publikuar më pas edhe në mediat greke.
Javët e fundit, postimi në rrjetet sociale i fotove të tilla është pasuar me masa ndaj personave që kanë bërë simbolin e shqiponjës. Shtatë ushtarë me origjinë shqiptare u dënuan me 60 ditë burg, ndërsa një i ri u dëbuar nga Greqia pak ditë më parë për të njëjtën arsye.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
