Polonia ka pezulluar shpërndarjen e fondeve të BE-së të destinuara për rimëkëmbjen pas pandemisë Covid në sektorët e mikpritjes, turizmit dhe kulturës, pas polemikave mbi keqpërdorimin e dyshuar të parave.
Disa nga fondet u shpenzuan për anije dhe mobilje luksoze, si dhe një grant të regjistruar në adresën e një klubi swingerësh, raportoi Politico.
Skandali shpërtheu pasi autoritetet polake publikuan harta interaktive online që shfaqnin përfituesit e granteve në një përpjekje për të treguar transparencën e programit të rimëkëmbjes.
Megjithatë, të dhënat zbuluan se fondet financuan jahte, një piceri, një biznes në Poloninë jugore të regjistruar adresë si një klub seksi.
Ministrja e Financave Katarzyna Pelczynska-Nalecz tha të martën se nuk do të jepen fonde shtesë derisa secili prej afërsisht 2,400 granteve, me një total prej rreth 1.2 miliardë zloty (282.3 milionë euro/330 milionë dollarë), t’i nënshtrohet një shqyrtimi individual.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
