Policia çeke rekomandoi për herë të dytë të hënën që kryeministri Andrej Babis të paditet për mashtrim që përfshin subvencionet e Bashkimit Evropian.
Prokurorët në Pragë thanë se kishin marrë rezultatet e hetimit të azhurnuar të policisë për përfshirjen e pretenduar të Babis në mashtrimin prej 2 milion dollarësh. Ata tani duhet të vendosin nëse do të paraqesin akuza kundër tij ose t'i heqin ato, shkruan Euronews.
Policia rekomandoi të njëjtën gjë dy vjet më parë, por një prokuror vendosi ta mbyllë çështjen. Ky vendim u rrëzua më vonë nga kryeprokurori i vendit, Pavel Zeman, i cili tha se ishte i parakohshëm dhe se nuk kishte prova të mjaftueshme për të shtypur ose hequr akuzat.
Ende nuk është e qartë se kur prokuroria mund të mbarojë rivlerësimin e çështjes pasi dosja ka 34,000 faqe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
