Tërmeti i 26 nëntorit la pa shtëpi me qindra familje në Durrës, Tiranë e Lezhë, ndërsa shumë të tjerë me frikën se lëkundje të tjera mund t’i çonin drejt të njëjtit fat. Një ndër to ishte shtëpia e familjes Biçaku në fshatin Qarrishtë të Librazhdit.
Një familje e thjeshë që shumë vite më parë i ka hapur dyert për 26 familje hebreje për një periudhë 2-vjeçare, duke u shpëtuar jeten.
Kanë kaluar shumë vite e breza që nga koha e holokaustit, por mirënjohja për familjen Biçaku është njësoj.
Pasi mësuan për tragjedinë, familjet hebreje i kanë ardhur në ndihmë familjes duke i premtuar rindërtimin e shtëpisë, në shenjë mirënjohjeje për ndihmën e madhe të dhënë.
I vetmi që i ka ende të gjalla këto kujtime është Muhamedi, i cili ka qenë vetëm 4 vjeç kur i ati i tij strehoi këto familje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
