74 vjeçari, Beqir Xhilaj, i cili akuzohet për vrasjen e bashkëshortes së tij, 2 ditë më parë, ka dalë sot para togave të zeza në Gjykatën e krimeve të rënda.
I akuzuari nuk e ka pranuar akuzën e vrasjes, duke pretenduar se është me 1 dorë dhe nuk mund të vrasë.
“Nuk e kam vrarë unë, nuk e kam një dorë, jam invalid edhe sikur të doja se vrisja dot”, mësohet të ketë thënë 74-vjeçari në gjykatë.
Sipas Xhilaj, bashkëshortja pas sherrit që ka pasur me të ka marrë armën dhe e ka shkrehur ndaj vetes.
“Bashkëshortja ime ishte e mërzitur dhe pasi kemi shkëmbyer fjalë, ajo ka marrë çiften dhe më pas ka vrarë veten”.
Gjithashtu bëhet e ditur se Krimet e Rënda kanë kërkuar arrest me burg për Beqir Xhilajn.
74-vjeçari akuzohet për vrasjen e bashkëshortes, Lumturie Xhilaj 45-vjeçe. Ai njoftoi policinë në shtëpinë e tij se kishte ndodhur një vrasje. Gjatë dëshmisë së tij në polici i moshuari ka dhënë deklarata kontradiktore për vrasje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
