Gjykata e Tiranës ka mohuar regjistrimin e partisë së Lulzim Bashës dhe Endri Hasës.
Reagimi vjen pas lajmeve se Lulzim Basha dhe Endri Hasa regjistruan një parti të re.
"Gjykata e Tiranës i ka dhënë një përgjigje zyrtare të gjithë raportimeve mediatike dhe aludimeve. Nga eskponentë të afërm të tij u konfirmua një ditë më parë se Basha po bën tratativa për të marrë një parti ekzistuese dhe për t’i bërë asaj ndryshime në regjistrin e OJF-ve dhe partive të cilat bëhen në gjykatë", raportoi gazetari Arsen Rusta në një lidhje me MCN Live.
Gjykata e Tiranës thotë: Menjëherë pas administrimit të kërkesës suaj u morën masat e nevojshme për të evidentuar dhe nxjerrë të gjitha të dhënat e edituara, apo kërkesat e depozituara në regjistrin e OJF-ve. Ju bëj me dije se nga të dhënat e disponueshme në regjistrin e partive politike, nuk rezulton të ketë kërkesë për caktimin e personit juridik, Endri Hasës si kryetar i ndonjë partie dhe nga verifikimi nuk rezulton të ketë çështje në gjykim me këtë emër.
U fol se nëpërmjet një mbështetësi të Lulzim Bashës, Endri Hasa do të bëhej marrja e një partie ekzistuese për të bërë editimin dhe ndryshimin e drejtimit të kësaj partie.
U fol për partinë e Etmond Stojkut, por vetë ky i fundit e mohoi në një komunikim për mediat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
