Forcat e Mbrojtjes Ajrore ukrainase rrëzuan 16 dronë “Shahed” të prodhuar nga Irani gjatë natës deri të premten, tha Komanda e Forcave Ajrore të Forcave të Armatosura të Ukrainës. Sulmet vijnë një ditë pasi Rusia nisi një nga ofensivat më të mëdha me raketa kundër Ukrainës që nga fillimi i luftës. Dronët sulmuan Ukrainën në drejtimin Juglindor dhe Verior.
"Të 16 dronët kamikaze u shkatërruan nga forcat dhe pajisjet e komandave ajrore ‘Skhid’ (Lindje) dhe ‘Qendra’, si dhe njësitë e mbrojtjes ajrore të njësive të tjera të Forcave të Mbrojtjes të Ukrainës".
Ndërkaq, 5 dronë u rrëzuan mbi Kiev në orët e para të së premtes, tha administrata ushtarake e qytetit përmes një postimi në Telegram. Kryabashkiaku Vitali Klitschko përmes një postimi në Telegram tha se dy drone të tjera u rrëzuan jashtë qytetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
