Fatbardh Kadilli dorëzon kandidaturën për kryetar të PD

Zyrtarisht, Fatbardh Kadilli është në garë për kryetar të Partisë Demokratike.

 Këtë të premte ai dorëzoi kandidaturën në selinë blu.

 Për mediat, Kadilli deklaroi se ky është një moment shumë i rëndësishëm për PD-në. Sipas tij, gara është asimetrike, por ndihet superior ndaj Bashës.

“Ka dhe një asimetri tjetër, morale, në të cilën ndihem shumë herë më superior se sa kryetari në zyrë sepse vij në këtë garë për ti shërbyer PD-së dhe jo për tu shërbyer nga PD.

Për të dhenë kontribut tjetër si në 30 vjet, duke u ballafaquar me vlerat, të miat janë pastërtia personale e politike, integriteti politik, përvoja, zotësia për të mbajtur fjalën e dhënë, aftësia e demonstruar në 30 vjet të jetës sime në PD për të qenë luajal, besnik me PD dhe me cdo figurë të PD, jam njeriu që e mbaj fjalën, kam kontribuar dhe vepruar me pastërti, s’kam tradhëtuar kurrë PD e askënd në PD, s’do tradhëtoj asnjë nga demokratët as në këtë proces duke cuar deri në fund përpjekjen për të ringritur PD për ta bërë të hapur e fituese”, tha Kadilli për mediat.

 Të njëjtin veprim pritet të bëjnë edhe dy kritikët e tjerë të Lulzim Bashës, Ibsen Elezi dhe Edith Harxhi.