Koreja e Jugut ka rritur masat për të frenuar përhapjen e koronavirusit të ri vdekjeprurës, pasi shtimit të numrit të rasteve të infektuara.
Kryeministri i vendit Chung Sye-kyun e ka konsideruar situatën në vend emergjente pas konfirmimit të 100 rasteve të reja dhe vdekjes së dytë.
Virusi është përhapur gjithashtu në Iran, i cili raportoi edhe 13 raste të reja dhe dy vdekje të tjera, duke e çuar numrin e përgjithshëm të vdekjeve në katër.
Libani gjithashtu konfirmon rastin e tij të parë.
Zyrtarët e Organizatës Botërore të Shëndetit (OBSH) kanë ofruar asistencë për menaxhimin e situatës, sipas BBC.
"Masat që Kina dhe të tjerët kanë ndërmarrë janë një shans më tepër për ta luftuar përhapjen e virusit. Dritarja jonë e mundësive po ngushtohet, kështu që ne duhet të veprojmë shpejt", tha shefi i OBSH-së Dr Tedros Adhanom Ghebreyesus.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
