Një sasi kokaine është sekuestruar në portin e Durrësit, pasi është gjetur në hambarin e një anijeje me flamur të shtetit të Antigua dhe Barbuad, e cila transportonte qymyr.
Droga është pikasur nga njësia Task Force, pas ankorimit të anijes më datë 16 maj në kalatën lindore të portit detar më të madh në vend.
Droga, sipas raportimeve paraprake, ishte e sinjalizuar nga partnerët ndërkombëtarë se gjendej në hambarët e kësaj anije.
Me këtë indicie, struktura e posaçme ka zhvilluar kontrolle dhe ka zbuluar drogën e fshehur.
Burime nga peshimi që është bërë deri më tani kanë rezultuar mbi 50 kg, është ndërprerë dhe do të vijojë peshimi pas orës 10:00.
Droga ishte futur në dy çanta, e hedhur në mes të qymyrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
