Mbreti Charles i rikthehet detyrave publike

Mbreti Charles III do të rifillojë detyrat publike këtë javë pas një periudhe të trajtimit dhe rikuperimit nga kanceri.

Nuk do të jetë ende një rikthim i plotë në angazhimet zyrtare për Mbretin, por pallati po dërgon sinjale pozitive. Mbreti do të fillojë të martën me një udhëtim simbolik në një qendër të trajtimit të kancerit.

Planet e tij verore përfshijnë një vizitë shtetërore, ku ai do të presë perandorin dhe perandoreshën e Japonisë. Në javët e ardhshme, tha pallati, ai do të ndërmarrë më shumë angazhime të jashtme.

“Është shumë herët për të thënë” për sa kohë do të vazhdojë trajtimi i tij”, tha pallati. Ai shtoi se mjekët ishin “shumë të inkurajuar nga përparimi i bërë deri më tani dhe mbeten pozitivë për rikuperimin e mbretit”.

Mbetet e pasigurt nëse ai do të marrë pjesë në disa nga eventet e mëdha që do të organizohen në vijim si: Trooping the Colour, përkujtimet e Ditës D, festat e kopshtit veror, Royal Ascot dhe udhëtimet jashtë shtetit në vjeshtë.

Vendimet do të merren sipas këshillave mjekësore, thotë pallati.