Në orët e mëngjesit të sotëm, një mjegull e dendur ka përfshirë qytetin e Gjirokastrës dhe zonën përreth, duke shkaktuar vështirësi në qarkullimin e mjeteve që lidhin qytetin me zonat përreth. Gazetarja Jonida Qirko raportoi për “MCN Live” se mbulimi i mjegullës është i dukshëm që në orët e para të mëngjesit, dhe se forcat e policisë kanë dalë në terren për të orientuar qarkullimin.
Një mjegull e theksuar ka mbuluar sot Gjirokastrën, në rrugët kryesore dhe rrugicat e brendshme, ndërsa aksin kryesor Gjirokastër-Tepelenë, si dhe Gjirokastër-Kakavijë dhe Qafë Muzinë drejt Sarandës janë bërë mjaft problematikë për drejtuesit e mjeteve.
Shikueshmëria është reduktuar ndjeshëm, ndërsa policia bën thirrje që drejtuesit të ulin shpejtësinë dhe të përdorin dritat e mjegullës.
Autoritetet kanë njoftuar se vizibiliteti është i ulët dhe udhëtarët duhet të jenë të kujdesshëm gjatë udhëtimit. Shërbimi i Policisë Rrugore rekomandon përdorimin e dritave të mjegullës, mbajtjen e distancës së sigurisë ndërmjet mjeteve, si dhe evitimin e shpejtësive të larta. Ndërkohë, pritet që fenomeni i mjegullës të mbetet për disa orë të tjera dhe të zhduket gjatë orëve të paradites.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
