Gati 500,000 njerëz kanë aplikuar tashmë për një abone falas për trenat rajonalë dhe trenat e udhëtarëve në Spanjë, si pjesë e masave për të mbështetur fuqinë blerëse. Kështu njoftoi qeveria spanjolle këtë të enjte.
Vendimi hyn në fuqi sot dhe do jetë i vlefshëm për një periudhë katër mujore. Kjo mundësi ofron abonime falas në linjat publike rajonale dhe periferike të menaxhuara nga Renfe.
Kjo praktikë synon të mbështesë fuqinë blerëse të spanjollëve, të prekur fuqishëm nga rritja e inflacionit, i cili ka qenë mbi nivelin 10% që nga qershori, një nivel i paparë që nga mesi i viteve 1980.
Gjysmë milion njerëz janë regjistruar në faqen e internetit Renfe për të përfituar nga kjo masë.
Kështu bëri me dije kryeministri socialist Pedro Sánchez në radion Cadena Ser.
Midis tyre, 425,000 kanë marrë tashmë lejen e tyre falas. Masa, e cila mund të zgjatet nëse është e nevojshme përtej 31 dhjetorit, ka të bëjë me rrjetet lokale në zonat peri-urbane të qyteteve të mëdha si Madridi, Barcelona, Valencia apo Sevilja, por edhe trenat me distanca të mesme.
Për të përfituar nga kjo leje, përdoruesit duhet të depozitojnë një depozitë prej 10 ose 20 euro, të cilat më pas mund t'i rikuperojnë me kusht që të kryejnë minimalisht 16 udhëtime deri në fund të dhjetorit, specifikon Renfe në një njoftim për shtyp. Sipas kompanisë spanjolle hekurudhore, 75 milionë udhëtime do të jenë falas.
Paralelisht me këtë masë, qeveria lëshoi një zarf prej 221 milionë eurosh për t'u mundësuar autoriteteve vendore të ulin koston e abonimeve të autobusëve, tramvajit dhe metrosë me afro 30% në qytetet kryesore të vendit.
Ky vendim i cila hyri në fuqi të enjten, duhet të inkurajojë spanjollët të përdorin transportin publik për të ulur konsumin e karburantit, kostoja e të cilit është rritur ndjeshëm që nga fillimi i luftës në Ukrainë.
Masa që, duke filluar nga sot, vë në dispozicion në Spanjë biletat e sezonit falas për trenat lokalë dhe të distancave të mesme do të lejojë kursime që"mund të arrijnë rreth një mijë euro për familje.
Kështu tha ministri për Transporti, Raquel Sánchez, duke biseduar me gazetarët në një stacion të Madridit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
