Kreu i Partisë Demokratike, Lulzim Basha, ka thirrur sot sërish aleatët për të zhvilluar bisedime lidhur me përfshirjen e tyre në lista nën siglën e PD-së.
Ditët e fundit, në media është raportuar se Basha u ka premtuar një vend fitues në listën e PD-së kreut të PR-së, Fatmir Mediu; kreut i LZHK-së, Dashamir Shehi; kreut të PDK-së, Nard Ndoka si dhe kreut të PBDNJ, Vangjel Dule. Por nuk ka ndodhur e njëjta gjë me kreun e AK-së, Kreshnik Spahiu dhe “kaubojsin” Eduart Ndocaj.
Takimi i sotëm pritet të vendosë edhe zonat e kandidimit të krerëve të partive të vogla që e mbështetën Bashën për 3 muaj me radhë në protestën e çadrës.
Ndërsa kreu i PAA, Agron Duka, e ka lënë të hapur mundësinë edhe për një bashkëpunim me PS-në.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
