Pavarësisht se kryeministri Albin Kurti ka vënë si kusht për heqjen e plotë të taksës 100%, anulimin e fushatës që Serbia po bën për tërheqjen e njohjes së pavarësisë së Kosovës nga vende të tjera, Beogradi nuk tërhiqet. Agjencia e lajmeve Tanjug bën të ditur se Sierra Leone ka tërhequr njohjen e Kosovës.
Tanjug i referohet vetë kreut të diplomacisë serbe, Ivica Daçiç, i cili ndodhet për një vizitë zyrtare në Sierra Leone. Daçiç e konsideron këtë një fitore, duke u nisur nga fakti se Sierra Leone është ndër vendet e para që kanë njohur pavarësinë e Kosovës, që në vitin 2008.
Republika e Sierra Leones është një vend në bregdetin jug-perëndimor të Afrikës Perëndimore.
Ndërsa lobimi i Serbisë për anulimin e njohjes së pavarësisë së Kosovës vijon, presidenti Aleksandar Vuçiç, paralajmëroi të tjera tërheqje të tilla. Nga SHBA, ku ndodhet për një vizitë gjatë të cilës u takua edhe me presidentin e Kosovës, Hashim Thaçi, Vuçiç tha se Beogradi do të kërkojë tërheqje të tjera nga njohja e pavarësisë së Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
