Çerdhes nr. 16 në zonën e ish-Bllokut i është vënë dryni. I gjithë stafi i këtij institucioni është vetëkarantinuar, ndërsa është bërë pezullimi i punës në këtë institucion. Shkak ka qenë dyshimi se një prej punonjësve është prekur me Covid 19.
Drejtoresha e Përgjithshme e Kopshteve dhe Çerdheve në Bashkinë Tiranë, Zhaneta Beqiri, tha se kjo çerdhe është pezulluar për 14 ditë.
Bashkia e Tiranës ka përgjegjësi të plotë për të garantuar higjienën dhe për të qenë strikt me të gjitha rekomandimet që vijnë nga Operatori Shëndetësor Vendor dhe ISHSH duke zbatuar me rigorozitet të gjitha vendimet. Gjatë gjithë kësaj periudhe janë monitoruar nga bashkia jo vetëm të furnizohem me paketat e duhura higjienike por dhe që këto paketa të respektohen. Ne jemi alert ndaj çdo ndryshimi të temperaturës të fëmijëve dhe stafi dhe atë e raportojmë menjëherë që të garantojmë shëndetin e tyre.
Por ajo që mbetet shqetësim në këtë situatë është dyshimi se pas infektimit të kësaj punonjëseje mund të ketë edhe fëmijë të prekur dhe prindër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
